رحل القائد لا مات
بيوم سمعنا خبر جانا بالاعلام
قالو استشهد الختيار
كانت ساعة فجر
تحول نهارنا ليل وعسر
اجا الخبر من بعيد
حملو طير اسود
لا ما هو غراب
هذا طير اسود من السواد
اعلمنا الخبر
وراح انتحر
لانو عالعيشة بعدها ما قدر
بس قبل مات
قتل كل القبيلة
لانها طيور سوء ومكر
وبعدها طلع اعلى جبل
ربط جناحة وانتحر
مات الختيار
لا ما مات
مين قال مات
هذا ابويا
هذا اخويا
هذا سيدي وسيد الناس
علمنا كيف نكون رجال
حملنا بارودة وغصن اخضر
وفاوض ومسدسو على الخصر
لولح بكوفيتو لاهالينا
وضوا علينا عتمة ليالينا
ايام الحصار
اعلنها الختيار
ما اريد الا الشهادة عهالارض الطهور
وربنا يسمع من عبادو الصالحينا
وجا اليوم
كان يوم اسود من قرن الخروب
ابو عمار بحفرة وفوقة تراب
ابو عمار بقبر
اسمعوني يا بشر
ابو عمار روح بكل شبل
علمو يحمل بندقية وحجر
هذا الختيار
هو ابو عمار
رحل جسم
وخلا الروح
لانو
عنا ابد ما يروح
..................................
ابنك البار
حمزة عبيد
ليست هناك تعليقات:
إرسال تعليق